918 Acta Apostolicæ Sedis - Commentarium Officiale

Sacratissimi Cordis Iesu Apostolus factus est et ab anno 1910 praedicationis

operi in exercitiis spiritualibus apud paroecias et communitates religiosas

omni studio attendit.

Servus Dei Maria Clemens vir fuit eximiae sanctitatis, « ardens quasi

lumen et coruscans ». Supernaturale ei naturale esse videbatur. Cum sive de

benignitate Dei sive de Providentia sive etiam de Sacratissimo Corde vel

de Beata Maria Virgine disserebat, omnes « os eius effuso corde adloqui »

percipiebant. Sane vir fuit Dei, cuius virtutum summa in certamine spiri-

tuali admodum eminuit illud, quod ipse peccatis suis, praesertim vanitati

et superbiae, iugiter contendit, suipsius disciplinam et ad evangelicam per-

fectionem provectum tanto molimine fovens.

Mirabiliter ac constanter et aequo semper vultu, licet in tam innumeris

aerumnis esset et vexationibus, quas vero perfecta divinae voluntati adhae-

sione atque aeternae patriae Deique et animarum amore superavit, omnes

exercuit virtutes. Lumine vivo fides et spes eius fulserunt. Ardens eius erga

Deum et proximum caritas, cui infinitum equidem eius studium Ecclesiae

sacerdotumque dilectio nem innitebatur, et verbis et hominum eventuumque

notione pandebatur. Profunda orationis consuetudine suffultus, Pater Maria

Clemens amori Dei omnino visus est devinctus et Summum Pontificem atque

Ecclesiam palam percoluit. Strenuus fuit et promptus, rectus et sincerus,

toto corde indulgens.

In Urbe, anno 1904, Pater Maria Clemens renuntiatione virtu tum modo

heroum a Sancta Ioanna d'Arc exercitarum potissime percussus, pollicitus

est: « Ioanna, qui es Lotharingica, dum ego Alsatianus: quicquid in vita mea

presbyterali pro te faciam ». Et in sollemnitate Nativitatis Domini anno 1914,

ad Missam in nocte, Vigorniae in Civitatibus Foederatis Americae Septen-

trionalis incarnati Verbi iubilo novus adiciebatur ortus, fundatio scilicet

Congregationis Sororum a Sancta Ioanna d'Arc.

Die 2 mensis Martii anno 1917, eodem Servo Dei exposcente, Eminen-

tissimus Dominus Aloysius Nazarius Cardinalis Bégin adnuit dioecesim Que-

becensem Patribus Augustinianis ab As sumptione et Sororibus a Sancta

Ioanna d'Arc repandere, simul concedens, ut Servus Dei Maria Clemens

sedem canadiensem Archisodalitatis pro Oratione et Paenitentia fundaret,

quasi esset Mons Martyrum Canadiae.

Sabbato 16 mensis Maii anno 1936, Sillerii apud Domus Mater Sororum

a Sancta Ioanna d'Arc, undesexaginta annos natus, Pater Maria Clemens