Congregatio de Causis Sanctorum 221

HERBIPOLENSIS

Beatificationis et Canonizationis Servae Dei Mariae Iulittae Ritz (in saec.: Te-

resiae Eleonorae), Sororis professae e Congregatione Sororum a Redemptore

(1882-1966)

DECRETUM SUPER VIRTUTIBUS

« In Deo tantum quiesce, anima mea: ab ipso, enim, salutare meum.

Verumtamen ipse refugium meum et salutare meum, praesidium meum:

non movebor amplius » (Ps 62, 2-3).

Pura eadem assiduae caritatis Dei haec conscientia in vita veteris

Psalmistae illius Israëlis in humana quoque et spirituali personat conversa-

tione Servae Dei Mariae Iulittae Ritz (in saeculo: Teresiae Eleonorae).

Serva Dei die 24 mensis Septembris anno 1882 in vico v. Uissigheim in

Germania nata est et, biennio post, universa familia eius in locum Schleehof

prope Veitshöchheim commigravit. Iam inde a pueritia Serva Dei, quae

aestate parentes adiuvabat et hieme dominicalem loci scholam pro laboribus

muliebribus discendis frequentabat, vocationem ad vitam religiosam perce-

pit. Dum undevicesimum aetatis explebat annum, parentes, quamquam alias

duas haberent filias eiusdemque vero subsidio ad res familiares tuendas con-

fiderent, unanimem illi tulerunt consensum, ut Conventum ingrederetur.

Quapropter Serva Dei inter candidatas Congregationis Filiarum a Redemp-

tore excepta est et primum Herbipoli frequentavit scholam intra Domus

Generalis muros sitam, dein vero in loco Aschaffenburg institutum pro

magistris edocendis, ubi altiora studia laudabiliter perfecit. Professionem

religiosam exinde nomen sumens Mariae Iulittae emisit et in locum Obernau

missa est ad magisterium in schola exercendum. Quod tamen officium, morbo

superveniente, abdicare debuit et ab omnibus communitatis muneribus

dispensari.

In Conventu Beatae Mariae Virginis ab Auxilio Agrifeldensi anno fere

transacto, sanitate restituta, Superiores moderationem scholae prope Con-

ventum Dominae Nostrae a Nive in Lülsfeld eidem commiserunt. Mense

Augusto anno 1910, Serva Dei Herbipolim revocata est, ut magistrae funge-

retur munere in schola, quam diximus. Hoc in officio usque ad annum 1940

permansit quo asseclae regiminis Deo infensi nationis dominatum germanicae