Congregatio de Causis Sanctorum 189

evectus est Magistri Generalis Ordinis de Mercede. Testes describunt eum

virum patientem, amabilem, benevolum, fortem in difficultatibus, praeditum

summa fide, firma spe et assidua caritate in fratres et in egentes. Andorrae

interemptus est die 15 mensis Septembris anno 1936, suis ignoscens sicariis et

proclamans «Vivat Christus Rex! ».

Servus Dei Thomas Carbonell Miquel, Sacerdos, in vitam venit die 20

mensis Decembris anno 1888 Gigiae, provinciae Lucentinae. Claustrum Mer-

cedarium ingressus est in loco El Olivar, ubi anno 1908 in Ordinem per

religiosam professionem cooptatus est. Ad sacerdotium evectus est anno

1911. Sua inter opera eminuit uti institutor iuvenum, contionator et confes-

sarius. Magister Provincialis bis continuatim electus est annis 1932 et 1935.

Humilitate, simplicitate ac paterno sensu ditatus, singulari amore prosecutus

est Eucharistiam et Beatam Mariam Virginem. Ob odium fidei Illerdae morti

occubuit die 25 mensis Iulii anno 1936.

Servus Dei Franciscus Gargallo Gascón, Sacerdos, in oppido Castellete,

provinciae Terulensis, ortum habuit die 24 mensis Februarii anno 1872. Re-

ligiosa vota nuncupavit anno 1890 in conventu loci El Olivar. Romae apud

Gregorianam Universitatem philosophiae et theologiae studiis se dedit. Intra

Ordinem, post presbyteralem ordinationem, munera exercuit postulatoris,

procuratoris et secretarii generalis. In Provincia Aragoniensi magister exstitit

noviciorum et in variis domibus moderator. Praeluxit benigna conversatione,

mortificatione, compassione erga pauperes et observantia vitae communita-

riae. Propter odium fidei in oppidoMuniesamartyr obiit die 7 mensis Augusti

anno 1936.

Servus Dei Emmanuel Sancho Aguilar, Sacerdos, in oppido Castellote,

provinciae Terulensis, vitam ingressus est die 12 mensis Ianuarii anno

1874. Religiosum induit habitum anno 1887 in conventu loci El Olivar, ubi

anno 1890 vota religiosa suscepit. Presbyteratus ordine est insignitus anno

1897. Extraordinario flagrans talento erga studia et artes, plurima divulgavit

scripta de rebus intellectualibus ac de artibus, verbi gratia articulos, disser-

tationes, secessus spirituales et opera musicalia. Humano exitu non obstante,

vir humilis habitus est, simplex, cantati deditus ac contemplationi. Simul

cum Patre Francisco Gargallo animam Domino tradidit in oppido Muniesa

die 7 mensis Augusti anno 1936.