Acta Apostolicae Sedis - Commentarium Officiale784

Gentium Evangelizatione, summa Nostra potestate, harum Litterarum vir-

tute Nuntiaturae Apostolicae Burkinae Fasanae et Nigris novam sedem in

urbe Uagaduguensi, in Burkina Fasana, constituimus, factis iuribus, privile-

giis, honoribus, praerogativis et indultis, quae huiusmodi Legationum ad

normam iuris propria sunt.

Has denique Litteras, in forma Brevis maioris expeditas, nunc et in pos-

terum ratas esse volumus, contrariis quibuslibet rebus non obstantibus.

Datum Romae, apud Sanctum Petrum, sub anulo Piscatoris, die XII men-

sis Iunii, anno MMVII, Pontificatus Nostri tertio.

Tharsicius card. Bertone

Secretarius Status

Ivan card. Diaz

Congr. pro Gentium Evang. Praef.

Marcellus Rossetti, Protonot. Apost.

Loco e Plumbi

In Secret. Status tab., n. 64.127/P

III

SANDAKANENSIS

In Malaesia nova conditur dioecesis Sandakanensis appellanda.

BENEDICTUS EPISCOPUS

servus servorum dei

ad perpetuam rei memoriam

Missionalem per navitatem Deus piene glorificatur, dum homines salutare

Eius opus, quod in Christo perfecit, conscie et plene accipiunt (cfr Ad Gentes

divinitus, 7). Haec Concilii Oecumenici Vaticani II verba in praesens Nos

impellunt ut singularem vertamus mentem ad fideles in Malaesia degentes

quos Nos precibus comitamur divina adiumenta a Domino nostro iis efflagi-

tantes. Eorum denique spiritales perspicientes necessitates, de nova cogita-

vimus dioecesi ibi instituenda. Idcirco quorum interest cognita sententia, de

consilio Congregationis pro Gentium Evangelizatione, plenitudine Apostoli-

cae Nostrae potestatis, partem orientalem territorii dioecesis Kotakinaba-

luensis distrahimus, ex qua novam dioecesim appellandam Sandakanensem