Acta Pii Pp. XII

praefulgens. Plura monasteria instituit, inter quae insignem Sancti

Salvatoris Abbatiam, plurimumque apud aulam Rogerii ipsius Nor-

manni regis auctoritate viguit et gratia. Hanc virtutum et beneficiorum

hereditatem a Sancto Institutore Abbatiae Montis Virginis monachi ac-

ceperunt atque, regulam Sancti Benedicti complexi, ad posteros tradi-

derunt. Inter varias octo saeculorum vicissitudines, istius Congregatio-

nis religiosae domus ad centum usque creverunt itemque alumni Sancti

Gulielmi, memores effati illius « ora et labora », bene multa pietatis

et industriae documenta dederunt populosque Italiae inferioris et Sici-

liae haud paucis religionis caritatisque praesidiis adiuverunt. Anno

autem MDCCCVII, sub Gallico dominatu, ceteris istorum monachorum

familiis suppressis, sola Montis Virginis Abbatia superfuit, reliquias

et exempla sui Conditoris religiosissime servatura. Secundo autem anno

pontificatus Leonis XIII, ipsius auctoritate monachorum Abbatiae Mon-

tis Virginis familia cum Congregatione Cassinensi Ordinis Sancti Be-

nedicti prioris observantiae coniuncta est. Novi profecto religiosi, qui

alba veste, ut primi Sancti Gulielmi alumni, exornantur, animorum

studio incensi, alacres maiorum vestigia prosecuti sunt. Postremis vero

annis, te quidem fautore atque auspice, familia monachorum est feli-

citer aucta, nova Congregatio dioecesana Sororum a Sancto Benedicto

instituta, magnum orphanotrophium conditum, plura aedificia ex in-

tegro instaurata, aditus commodiores ad Sanctuarium patefacti, ita ut

plura centena millia peregrinorum per annum istic excipiantur, qui

peccatorum remissione et supernis muneribus, Deipara intercedente,

affatim a Domino donentur. Nos igitur, qui caelestium rerum contem-

plationem et labores ad animarum bonum profectumque impensos tanti

facimus et commendamus, saecularia ista sollemnia in honorem Sancti

Gulielmi Abbatis peragenda non modo libenti animo probamus, sed iu-

cunda Nostra participatione atque auctoritate cumulamus. S. Guliel-

mus, qui supernae aulae civis haud minore nunc flagrat caritate, qua

terrestrem dum egit vitam incensus fuit, illis qui ipsum in vota voca-

bunt supernae misericordiae uberrima dona conciliet, ac praesens alum-

norum suorum tutor et adiutor concedat iis religionis et pietatis mune-

ribus ditescere et intemeratae conscientiae pace, sempiternae beatitu-

dinis praenuntia, frui; dilectae vero Italiae, cuius caelestis est praestes

virtutisque exemplar, det antiquis christianae humanitatis laudibus

novas easdemque luculentiores addere et omni decore florescere. Quo

autem sacra sollemnia maiorem christiano populo afferant fructuum

copiam, tibi potestatem damus, ut, constituta die, post Sacrum pontifi-

cali ritu peractum adstantibus fidelibus nomine Nostro Nostraque auc-