90 Acta Apostolicae Sedis - Commentarium Officiale

methodo seu inductione diligenter studuit; quamvis ex tanti Magistri

exemplo atque opera ob ipsas potissimum illius temporis condiciones at-

que instrumentorum defectum non omnes sint ii fructus percepti, qui iam

tunc sperari potuissent. Nam si quae magnus Episcopus Ratisbonensis de

experimenti necessitate, de sagaci observatione, deque momento inductio-

nis ad veritatem circa naturae res assequendam statuit, ea iam recte aevo

suo intellecta et perducta ad effectum fuissent, mirabiles illi scientiarum

progressus, quibus recentiora ac nostra tempora gloriantur, multa ante

saecula fortasse reperti et cum optimo societatis humanae emolumento

stabiliti fuissent. Ml mirum itaque si non modo ex Italia, sed tam

e Germania, et Gallia et Hungaria, quam e Belgio atque Hollandia,

nec non ex Hispanus et America, Insulisque etiam Philippinis Studio-

rum Universitates et Conlegia Catholica praecipua una cum multis phy-

sicarum naturaliumque rerum professoribus nunc Albertum Magnum

tanquam lucernam in caliginoso mundo contueantur, Illumque, qui iam

tempore suo, quo multi oculos suos a spiritualibus rebus avertebant

inani verborum scientia innati, a terrenis e contra ad coelestia gradatim

ascendendum esse exemplo docuit, suorum ipsorum ducem habere et

coelestem intercessorem exoptent, ne in sua exacta naturae perscrutan-

dae scientia Dei Omnipotentis auxilium eis desit. Quapropter ultro li-

benterque placet Nobis excipere vota tum a Catholicis Academicis nuper

Treviris coadunatis, tum a Studiorum Universitatibus ceterisque scien-

tiarum Coetibus internationalibus expressa, quae Generalis Ordinis Fra-

trum Praedicatorum Magister valide Nobis significavit, suas quoque p r e -

ces atque Ordinis cui praeest enixas addens, ut coelestem Cultorum Scien-

tiarum naturalium Patronum Nos eundem Sanctum constituere digne-

mur. Decimo sane anno a Litteris Decretalibus die xvi m. Decembris

an. MCMxxxi datis, quas Decessor Noster rec. mem. Pius Pp. XI edidit

ad Sancti Alberti Magni Pontificis Confessoris cultum, addito Doctoris

titulo, universae Ecclesiae praecipiendum, plane convenit, prout supre-

mum Nostrum spirituale exigit officium, huiusmodi valde opportunum

inceptum fovere : ob tristissimam quoque nostrorum dierum condicio-

nem; cum non ad Dei laudem atque hominum salutem sed ad belli cala-

mitates civilibus regionibus urbibusque inferendae nunc hodierni scien-

tiarum progressus misere adhibeantur. Ipse Sanctus Albertus, qui diffi-

cillimis temporibus opera sua mirabili monstravit scientiam ac Fidem

in hominibus concorditer vigere posse, valida sua apud Deum interces-

sione, Cultorum scientiarum excitet corda mentesque ad pacificum Tec-

tumque naturae rerum usum, quarum leges a Deo constitutas scrutan-

tur et quaerunt! Conlatis igitur de hac re consiliis cum Venerabili Fra-