Dataria Apostolica 117

8. - Quum agatur de beneficio legi concursus obnoxio ad normam

«an. 399, § 2 et can. 459, § 3, n. 4 significetur an concursus fuerit rite in-

dictus ac legitime habitus. Deinde ad Apostolicam Datariam diligenter

remittantur vota seu suffragia quae singuli candidati consecuti sint; in

iis quae spectant ad scientiam et ad idoneitatem sive absolutam sive rela-

tivam, tam coniunctim quam distincte, una cum curriculo vitae, ut supra.

Acta vero concursus asservari debent apud Curiam ut quandocumque

Dataria Apostolica petat, mitti possint.

Ad concursum quod attinet, haec ulterius sedulo sunt attendenda :

Io Si agatur de beneficio cum cura animarum, concursus habendus

est ad normam Constitutionis Pontificiae Benedicti XIV Cum illud,

14 Decembris 1742 (in calce Codicis I. C. allegatae), inspectis praeser-

tim numeris : 1, 2, 3, 4, .5, 6, 7, § 7 a e, et numeris 1, 2, 3, 4, 5, 6, 7, § 16"

eiusdem Constitutionis.

2° Si autem agatur de Praebenda Theologali vel Poenitentiaria,

concursus habendus est non solum ad normam Constitutionis Cum illud,

sed etiam ad normam Constitutionis Pastoralis Officii Benedicti XIII,

19 Maii 1725; circa quam advertendum est, eam praescribere non tres

sed quatuor examinatores, ac propterea in concursu quatuor quaestiones

esse ad solvendum proponendas; et si agatur de Canonicatu Theologali,

quaestiones praesertim de Theologia Dogmatica et de Sacra Scriptura

esse debere.

9. - Ut a Sancta Sede dispensatio a lege concursus detur, graves ra-

tiones quae Summo Pontifici exponendae sunt requiruntur.

10. - Quod spectat ad Canonicatum Theologalem aut ad aliud bene-

ficium cui onus incumbat Sacrae Scripturae populo explicandae, com-

memorare praestat, vigore Rescripti ex audientia Ssmi diei 8 Apri-

lis I94O (Acta Apostolicae Sedis, vol. XXXII, p. 163), Lauream vel Li-

centiam in Re Biblica iam non requiri; sed coeteris paribus, eum, etiam

Doctori in S. Theologia (de quo in can. 399, § 1) esse praeferendum qui

Laurea vel Licentia in Re Biblica insignitus sit.

11. - Ut Summus Pontifex, quum agitur de beneficiis legi concursus

non subiectis, libere eos eligere possit quos in Domino magis idoneos et

digniores existimet, Revmae locorum Curiae tenentur nomina suppedi-

tare omnium Sacerdotum qui, vacatione beneficii rite nunciata, suppli-

cem libellum miserint ut sibi conferatur; vel, si nemo beneficium opta-

verit, significare debent saltem tria nomina, quatenus fieri possit, inter

digniores, ad normam epistolae circularis Datariae Apostolicae diei

11 Novembris 1930, quae legitur in Actis Apostolicae Sedis, vol. XXII,