Articulus 2D

Argumentum 1

Erant in Purgatorio. Quia majus erat impedimentum peccati originalis quam peccati venialis. Sed ab impedimento peccati originalis liberavit trahens de Limbo. Ergo multo fortius ab impedimento peccati venialis; et ita videtur quod a Purgatorio animas eduxerit.

Argumentum 2

Praeterea, passio christi non minorem habet efficaciam quam sacramentum passionis. Sed per sacramentum passionis christi, scilicet per baptismum, aliquis liberatur ab omni poena quae debetur in Purgatorio. Ergo videtur quod multo amplius per passionem christi illi qui ibi erant, liberati sunt.

Argumentum 3

Praeterea, christus quod curavit in hac vita, totaliter curavit. Sed illos qui erant in Purgatorio, curavit christus a reatu originalis. Ergo similiter curavit a reatu peccati venialis; et ita videtur quod a Purgatorio eos liberavit.

Sed Contra 1

Sed contra, passio christi aequalem habet virtutem nunc quam tunc habuit. Sed nunc virtute passionis non liberantur omnes qui sunt in Purgatorio.

Ergo nec tunc.

Sed Contra 2

Praeterea, peccati quod quis per se commisit, per se debet purgationem pati. Sed poenam Purgatorii sustinet homo pro peccatis quae ex seipso commisit. Ergo per poenam quam ipse sustinet, purgari debet, et non per poenam tantum christi.