406. (2. ) De sancto Georgio.

Ad Laudes.

1. 0 athleta victor, laeta, Georgi, fulgens laurea, Te laudamus, hic ovamus, Lux, ecce, surgit aurea.

2. Fide rectus, spe provectus, Quem fruens ignit caritas, Mortem spernit, vitam cernit, 0 lux, beata trinitas.

3. Multos terror vicit, error Multorum palam dissonat, Cum egressus vir nec fessus, Vox clara, ecce, intonat.

4. Christum fatur, quo ditatur, Strages firmavit comitum, Stat tribunus, princeps unus, Deus, tuorum militum.

5. Ergo fortem contra mortem Poscat mens ducem saucia, Ut exsistat, quae nunc distat, Aeterna caeli gloria.