405. (1. ) De sancto Georgio.

Ad Vesp. et Noct.

1. Scandit caelum, micans telum Draconi figens acrius, Flagrans miles, nostras viles Terras linquens Georgius.

2. Hic venustus, haud exustus, Florem indutus speciem Intus nitet, cum evitet Obscaenam mundi faciem.

3. Docet rudes hoc, quod tu des, Christe Deus, potentiam, Quos convertit et avertit Baptismi praebens gratiam.

4. Fraudem cernit hanc et sternit, Unum prospectans daemonum, Quem delusum cruce fusum Mittit Averno dissonum.

5. Patrem, natum, miles, datum Almum deposce meritis, Ut victores allectores Tradamus procul abditis.