Guido de Basochis, Cantor Catalaunensis, d. 1203.
344. (1. ) De Nativitate Domini.
345. (2. ) In Circumcisione Domini
346. (3. ) In Circumcisione Domini.
347. (4. ) In Epiphania Domini.
353. (10. ) De s. Iohanne Baptista.
354. (11. ) De sancto Lupentio.
355. (12. ) De sancto Lupentio.
356. (13. ) De sancto Remigio.
357. (14. ) De ss. Rufino et Valerio.
359. (16. ) De s. Thoma Cantuariensi.
360. (17. ) De s. Thoma Cantuariensi.
1. Martyr insignis sacer et sacerdos, Quem tuae laudis modulamur hymnum Blandus acceptes, tibi supplicamus, Sancte Lupenti.
2. Iura qui propter Domini subisti Carceris tristes tenebras iniqui, Digna perpessus mala criminosis Crimine liber.
3. Qui Brunichildis solio superbae Sanguinem iustum sitiente ferro Caesus invicto bravium petisti Mortis agone,
4. Dum sacrum non es caput exsecratis Pro fide verae veritus salutis Perfidos vertens dare, veritatis Verus amator.
5. Ad duas partes duo mira fiunt:
Alterum princeps caput amne mersum Reddidit luci, tulit unda corpus Pondere pressum.
6. Tunc repertores referant moventur An caput membris capitive corpus; Sed caput membris placuit reponi Pacis amore.
7. Unde collaudet populus fidelis
Cum pari summum genito parentem Atque procedens ab utroque flamen, Compar utrique.