Ad sanctissimam Dei genetricem.

I.

1. O Maria, vitae via,

Vitis vitam germinans,

Primae sortis damna mortis

Nostrae vita terminans.

2. Templum Dei, salus rei, Mater regis gloriae, Caeli porta, qua lux orta, Nostrae spes victoriae.

3. Gignens natum nec creatum Sine maris semine Partu miro, carens viro Contra morem feminae.

4. Me tuere, stratum fere Vitiorum pondere, Quae fovere mors est vere, Prorsus mors recondere.

II.

1. 0 Maria, mater pia, Gabrielis famine Fide grata, spe beata Sacro plena flamine.

2. Mater prolis, carens dolis, Speciosa facie, Stella solis, vernans polis, Vas caelestis gratiae.

3. Vas electum, vas dilectum Dei providentiae, Vas provisum, post excisum Manu sapientiae.

4. Me tuere, quamvis serae Datum paenitentiae, Scit prodesse, non obesse Tuae vis potentiae.

III.

1. 0 Maria, vitae via,

Christi sponsa Domini,

Ventris fructu dempto luctu

Vitam reddens homini.

2. Stella poli, maris, soli, Sola potentissima, Plena luce, Christo duce Vitae spes certissima.

3. Mater facta, sed intacta Blandientis nexibus, Mater facta, sed intacta Carnis a complexibus.

4. Castrum cordis plenum sordis Deprime radicitus, Ut perversus mox subversus Motus sit illicitus.

IV.

1. O Maria, mater pia, Castitatis lilium, Carne munda, qua fecunda Dei gignis filium.

2. Mundi lumen, caeli numen, Ex te rex egreditur, Sic natura carnis iura Superans transgreditur.

3. Flos honoris, flos decoris, Flos spineti gloria, Ex te ductus nobis fructus Pax est et victoria.

4. Fac me servum non protervum, Tuae laudi deditum, Spe salutis et virtutis, Ope summa praeditum.

V.

1. O Maria, vitae via, Virga florens aurea Et regina iam divina Sublimata laurea.

2. Dei thronus, noster bonus Cibus et mirabilis, Vivis cunctis et defunctis Placens et amabilis.

3. Super caelos tibi melos Sonat vox angelica, Vox in polo, vox in solo Tibi plaudit caelica.

4. Me devotum tibi totum Servum fac exsistere Et de corde mundo sorde Laudibus insistere.

VI.

1. O Maria, mater pia,

Stirpe nascens regia. Virginalis flos, regalis Proles et egregia.

2. Ex te nasci, lacte pasci Rex caelorum voluit, Sola digna, sis benigna, Cum mens iuxta coluit.

3. Tu lucerna, qua superna Lux Christus exoritur, Nobis salus, qui, ne malus Moriatur, moritur.

4. Cuius morte mortis sorte Muni me, piissima, Et hac laude, virgo, gaude Recoli, dignissima.

VII.

1. O Maria, vitae via,

Mundi salus praevia, Iter caeli, lux fideli, Dux ignorans devia.

2. Labe carens, sola paretis

Tanti digna filii,

Singularis ex te paris

Angelum consilii.

3. Virga lesse, non subesse Carnis nosti vitiis, Carne, corde carens sorde, Patet res indiciis.

4. Terge dono tibi prono Meae mentis crimina, Clausa rite malis vitae Mihi pande limina.

VIII.

1. O Maria, mater pia, Spiritus sacrarium, Prece pura foedum cura Pectoris armarium.

2. Mala deme, hostem preme Tua vi nefarium, Pande gratis pietatis Tuae promptuarium.

3. Nobis verum patrem rerum Dans consiliarium

4. Da caeleste tuis peste Liberis donarium, Nostri cordis, pleni sordis, Morbum curans varium.

IX.

1. O Maria, vitae via, Fidei spectaculum, Castitatis, honestatis, Gratiae signaculum.

2. Prophetarum fide clarum, Et legis oraculum, Incarnati Christi nati Corporis umbraculum.

3. Veri cibi iugis tibi

Sub fide signaculum, Mater vitae, nostri mitte Criminis piaculum.

4. Matris fide natos vide

Mortis vincens iaculum, Mater, ave, natis fave Vitae dans spectaculum.

Nach Str. 36 hat M

zwei Doxologien: Pater Deus, fili Deus etc. und vor dieser;

Tibi nato cum beato

Patre laus et gloria Flaminique, quod utrique

Compar est per omnia

Nach Str. 3 schiebt O ein:

In aeternum per supernum Regnum suae gloriae

Victoria et gloria Mariae, matri piae.

Nach Strophe 27 in H folgende unzugehorige Strophen:

1. Mater patris et filia, Mulierum laetitia, Stella maris eximia, Audi nostra suspiria.

2. Regina poli curiae, Mater misericordiae, In hae valle miseriae Sis reis porta veniae.

3. Maria, propter filium Confer nobis remedium, Bone fili, prece matris Dona tuis regna patris.

Pars II.

Beginnt mit Rhythm. III, 1; 7-9; 14; dann:

6. Me dignare te laudare, Stella clare radians, Genti sane christianae Verum mane nuntians.

7. Fons divinae medicinae, Virgo sine macula, Munda reos et fac eos Regnare per saecula.

8. Servum audi et exaudi Tuae laudi sedulum, Os distingue, cor accinge, Solve linguae vinculum.

9. Da, beata, mihi rata Atque recta scribere, Me ditari et testari Velle, fari, facere.

10. Os facundum, cor fecundum, Dona mundum labium, Rationem et sermonem, Ne quid sonem impium.

11. Non superbis, non acerbis Assit verbis gratia, Intellectus regat pectus Sermo rectus labia.

12. O beata, os dilata,

Sint haec grata carmina, Sit accepta, non despecta Tibi mea pagina.

13. Hanc dignare acceptare, Mater, aure placida, Fiant vota tibi nota, Dicta nostra lucida.

14. Da fateri verbum veri, Dux misericordiae, Da vigorem, ne laborem, Funde rorem gratiae.

15. Lac distilla ex mamilla Dulci illa labiis, Ut amicam te pudicam Verbis dicam sobriis.

16. Virgo diva, tu nociva Ope Dei reprime, Eius bona, eius dona Pande, sona, exprime.

17. Huic servire dat redire Ipsis irae filiis, Huic substerni dat aeterni Frui regni gaudiis.

18. Genetricem tam felicem

Laudibus nunc efferam, Hanc adibo et, ut quibo, Preces ei offeram.

19. Hanc affecto sensu recto Collaudando promere, Hanc ex voto corde toto Semper opto poscere.

20. Surgam, quaeram matrem veram Et sinceram virginem, Quae dat mutis os virtutis, Dissolutis ordinem.

21. Non desistam hanc magistram, Matrem istam quaerere, Quae de portis dirae mortis Potest me eripere.

Es folgen Rhythm. III, 12 und IV, 24. Darauf:

24. Quod rogamus, quod optamus,

Donet almus spiritus,

Qui te lavit, qui vallavit,

Qui sacravit caelitus.

Pars III.

1. Ave, virgo, qua caligo

Ab hoc mundo pulsa est, Mox absorpta lux est orta, Caeli porta patens est.

2. Virgo gaude, virgo plaude, Ave, virgo regia, Per quam saeva et primaeva Tolluntur naufragia.

3. Mater, gaude, digna laude, Quae nos fraude eruis, Cum antiquum inimicum Vincis, victum obruis.

4. Vas decoris, dux pudoris Cincta choris virginum. Plus decora quam aurora, Pro me ora Dominum.

5. Gravidata nec privata Dote sacrae virginis, Placa natum sat iratum Ob reatum criminis.

6. O dilecta et provecta, Fac nos recta agere, Culpas flere, spe gaudere, Deum vere quaerere.

7. Nil obliquum, nil iniquum, Nihil fictum agere, Nil avari aemulari, Nihil fari temere.

8. Malum ferre, non referre, Terram terrae linquere, Te, lucerna sempiterna, Caeli verna cernere.

9. Menti fessae et oppressae, Radix lesse, subveni, Quae succurris perituris Facta turris Libani.

10. Carnis flammas, quas non arnas

Tu nos fac extinguere,

Vitae cursum tendi sursum,

Mundi luxum spernere.

11. Da, dux aequi, recta sequi, Velle, fari, facere, Me corones, mihi dones, Haec, quae mones, agere.

12. Caelo sita margarita, Lux et vita gentium, Fac lucernam sempiternam, Tuum cernam filium.

13. Da timere, da videre Lucem verae fidei, Iesum Christum, benedictum Fructum ventris nivei.

14. Tuearis me praeclaris

Cingens charismatibus,

Orna donis, quae probaris

Dare pronis mentibus.

15. Fac me mitem, ut devitem Iram, litem, odium, Fac amandum, mitem, blandum, Gravem, cautum, sobrium.

16. Circumspectum et perfectum, Fortem, rectum, humilem, Patientem et prudentem, Mundum flentem flebilem.

17. Castum, purum ac maturum, Mundi mundum maculis, Timoratum et armatum Sacris patrum regulis.

18. Clemens dele parentelae Meae cuncta scelera, Des cognatis pietatis Tuae grata viscera.

19. Stella maris, largiaris Meis caris gratiam, Vivis cunctis ac defunctis Mihi iunctis veniam.

20. Meum patrem, meam matrem Duc in partem dexteram, Meis notis dextra fortis Subdat mortis viperam.

21. Christi praesta fortis dextra, Tu, fenestra aetheris, Quae te pandis et expandis Liberandis miseris.

22. Me terrenum, me egenum Duc ad plenum gaudium, Da locari et laetari In terra viventium.

23. Serpentinas in me spinas Nunquam sinas crescere, A pressura me ventura Pia cura tegere.

24. Cum districtus et invictus Iudex Christus venerit, Vox terroris et horroris Cives orbis fregerit,

25. Tunc indigni et maligni Flebunt igni subditi Et internas et externas Lugent poenas perditi.

26. Heu, quid feci, cur obieci Mentem neci nesciam? Heu, quid egi, cur perfregi Normam leti sociam ?

27. Quo tunc pergam, quo me vertam, Quem tunc quaeram medium? Quo patrono, cuius dono Iungar choro ovium.

28. Quem requiram, per quem iram Possim illam fugere, Per quem Iesum saepe laesum Queam flexum reddere?

29. O Maria, mihi pia

Sis in die Domini. Tunc adiutrix et conductrix, Modo nutrix subveni.

30. Meliorem vel maiorem,

Quam nunc orem, nescio Nec personam, quam praeponam, Aeque bonam sentio.

31. Quod sincero corde quaero, Saltem sero tribue, Intestinae me ruinae Vel in fine erue.

32. O decora, Iesum ora, Ut in hora ultima Reum salvet, omne levet, Quidquid pavet anima.

33. Da sim tecum, et sis mecum Ante aequum iudicem, Tunc absconde et reconde Verbis placans vindicem.

34. Sis persona et matrona Et da bona stantia, Sis medela et tutela, Mea vela turpia.

35. Me impendo, me commendo Tibi flendo, domina, Me dignare conservare Caeco dare lumina.

Es folgen Rhythm. IX, 19-22, dann:

40. Lux naturae, lux scripturae, Renes ure famuli, Ut devotus tibi totus Frangam motus stimuli.

46. Lacrimando laudes pando Tuo sancto nomini, O patrona, mihi dona Clemens bona Domini.

47. De culparum plurimarum Leva stratum pondere, His solutum ad virtutum Fac me statum pergere.

48. Ora Deum, poscens eum, Ut cor meum foveat, Ut ipsius me unius Amor pius repleat.

49. Me conforta et reporta, Caeli porta veniam, Obtineto et faveto

Ut, quod peto, capiam.

50. Imperitis et contritis, Virgo mitis, subveni, Pro peccatis et orbatis Vultum patris praeveni.

51. Aufer maesta, vires praesta, Tu fenestra siderum, Mater casta, fer ad astra Holocausta pauperum.

52. Tura precum defer tecum Ad conspectum Domini Et iratum ob peccatum Placa natum homini.

53. Rex aeterne, rex superne, Tuos cerne supplices, Nec iratus, sed placatus Nostros actus iudices.

54. Culpae vindex atque index, Iuste iudex Domine, Rex Messia, de Maria Nate pia virgine,

55. Mors serpentis, spes iacentis, Partus ventris nivei Rex virtutum, pelle luctum Daque fructum fidei.

56. Sitientis et egentis

Audi mentis gemitum,

Ad internam et aeternam

Pande vitam aditum.

57. Nobis parce stans in arce, Flos immarcessibilis, Nos caelesti stola vesti Rex inaestimabilis.

58. Rex benigne, fac nos digne Fac nos sine scelere, Matrem illam, matrem piam, Matrem tuam colere.

59. Factor orbis, esto nobis Turris fortitudinis, Nos ab hoste trahe post te, Fili matris virginis.

Pars V.

1. O Maria, mater pia Cunctorum fidelium, Quae portasti et lactasti Christum Dei filium.

2. Stella maris, singularis Consolatrix omnium, Vitae porta, qua est orta Laus et salus gentium.

3. O dilecta, praeelecta Inter omnes feminas, Quae per Christum mundum istum Obscurum illuminas.

4. Virga lesse, velis esse Mihi in auxilium, Pro me Deum rogans meum, Tuum dulcem filium.

5. O lucerna, qua superna Gratia resplenduit, Dum creator et salvator Mundi carnem induit.

6. Virgo felix, quae in caelis Dominaris, omnium Consolatrix et salvatrix Sis ad te clamantium.

7. Da timorem et amorem Dei mihi, domina, Da honorem et decorem Et devinci crimina.

8. Te laudantes et amantes Non possunt deficere, Te laudare et amare

Est cum Christo vivere.

9. Illum regis et protegis A cunctis criminibus, Ut in caelis per te felix Laetetur cum civibus.

10. Cives caeli cum fideli

Plebe laudant Mariam, Matrem Christi, quae dat isti Mundo caeli gloriam.

Str. 11 und 12 sind Str. 3 und 4 aus Rhythmus III.

18. Lux caelorum, spes lapsorum, Virgo morum praevia, O lucerna sempiterna, Dei plena gratia.

14. O decora, doce ora, Doce corda nescia, Nec sit vilis haec textilis Mei oris hostia.

15. His loquelis, his querelis Aures velis flectere, Et affectum et aspectum Ad nos rectum ducere.

16. Columbinos et benignos Flectens ad nos oculos, Tuae laudi laetos audi, Nos custodi sedulos.

17. Primum quidem spem et fidem Des et idem sapere, Spe pugnare, fide stare, Caritate currere.

18. Ab ignitis me sagittis, Virgo mitis, exime, A catenis et venenis, Virgo lenis, erue.

19. Efficaci et veraci Cinge patientia, A re prava corpus lava, Cor ab avaritia.

20. Mater agni, regis magni, Templum sancti spiritus, Fac perire, non sentire In me irae fremitus.

21. Da, succingam et restringam Freno linguam intime, Impudicam et iniquam Carnem iungam animae.

22. A mundana vel humana Peste, vana gloria, Me defende et intende, Ne sit menti noxia.

23. Benedicta eius vita Fuit ita sobria, Ut virtutis et salutis Esset cunctis praevia.

24. Generosa et formosa

Virgo rosa Nazareth, Roga natum, ut beatum Nobis statum reparet.

25. Nos guberna, lux superna, Lampas plena Iericho, Impinguata, illustrata Lumine seraphico.

26. O Maria, prophetia A te dicta geritur, Est prostrata gens elata, Pauper aucta cernitur.

27. Fidem auge, hostem punge, Regina Ierusalem, David germen, Iacob semen, Vivens lumen Bethlehem.

28. Sion turris, quae occurris, Iuncta muris Israel, Cui fit dignus atque divus Paranymphus Gabriel.

29. Nos sincere contuere, Virgo serenissima, Qui turbamur, confutamur, Veluti peripsima.

30. Quis narrare, quis pensare Posset dotum titulos, Quibus culta et suffulta Fulges ultra angelos.

31. O Maria, prece pia

Nobis fer auxilium,

Cuius nomen est solamen

Miseris et gaudium.

32. Nomen sanctum, per quod planatum Aeternum evasimus, Nomen bonum, per quod donum Salutis accepimus.

33. O Maria, o tu pia,

Pacis via mentibus, Dat solamen et levamen Tuum nomen omnibus.

34. Spem reportat, cor confortat,

Dulce sonat nimium,

Cum dulcore, cum amore

Stat in ore omnium.

35. O Maria, mater pia,

Dum generas filium, Nos de portis dirae mortis Perducis ad gaudium.

36. Nam dum facta et mandata Nati tui sequimur, Post hanc lucem caeli ducem In requie (con) sequimur.

37. Virgo munda et fecunda, Dulcis spes amantium, Quae amicta carne sita Caelo iuxta filium,

38. Es superna praestans dona Omnibus fidelibus, His inprimis, qui opimis Tuis instant laudibus.

39. O benigna, laude digna Salvatrix fidelium, Mater Dei, cordis mei Munda domicilium.

40. Mater felix, quae das caelis Et terrae laetitiam, Caritatis atque pacis Praesta mihi gratiam.

41. O spes mea, ad me mea Dulci cordis tramite Et me necte viae rectae Mandatorum semitae.

42. O iucunda, sordes munda Mentis meae sauciae, Uti laeter et iucunder Domo conscientiae.

43. Gaude, sancta, per quam tanta Deus mundo tribuit, Quod aeternum Dei verbum In te carnem induit.

44. Te laudare et amare

Da mihi cum gaudio, Atque velis me in caelis Praesentare filio.

Hier folgen aus Rhythmus IV Str. 26-29.

Pars VI.

1. Virgo, gaude, digna laude,

Porta salve caelica,

Quae fulsisti, quae fuisti

Mater Christi unica.

2. Fulgens una plus quam luna Sol et cuncta sidera, A caducis nos educis Monens lucis opera.

3. Concubinae et reginae Tibi digne cantitant, Speciosae ac formosae Tibi sponsae militant.

4. Cinctam florum, liliorum Ac rosarum specie Te facundae ac fecundae Laudant cunctae filiae.

5. Tam venusta, tam augusta Quae est ista, inquiunt, Quam caelestes et terrestres Ierarchiae ambiunt?

6. Cuius genae sunt serenae Quasi genae turturis, Columbinus ac benignus Visus expers fulguris.

7. Flore salvo huius caro Fervet aromatibus, Ipsa miram primam myrram Castis spirat manibus.

8. Haec unguentis, haec pigmentis Sacrae mentis affluit, Haec odorem, haec maiorem Caelo florem genuit.

9. O felicem genetricem,

Per quam pacem sumpsimus, O felicem, quam doctricem, Lucis lucem hausimus.

10. O in caelis regnans felix, Dux fidelis gentium, 0 tu fortis victrix mortis, Finis mortis mentium.

11. 0 flos florum, doctrix morum, Angelorum domina, Nostra Eva, nostra laeva Nostra lava crimina.

12. O polita margarita, Regis sita vertice, O sublimis facta nimis Nos in imis respice.

13. O Maria, mater pia,

Dux et via praemii, Dux Hebraei, porta spei, Mater Dei filii.

14. Dux constanti, pes labenti, Princeps sanctimoniae, Auris surdo, vestis nudo Plenitudo gratiae.

15. Quies fessis, portus mersis, Universis requies, Vera vita, tuos dita Benedicta milies.

16. O beata, qua est data Veritas et gratia, Caeli cives fac nos, dives In misericordia.

17. Nos reflamma cordis flamma, O tu manna gratiae, Dulci illa de mamilla Rorem stilla veniae.

Hier folgen aus Rhythmus IV Str. 6 - 16 incl.; dann aus Rhythmus XII Str. 19-25 incl.; endlich aus Rhythmus IX Str. 32-36, mit der Doxologie

Sit Messiae, sit Mariae

Omni die gratia, Patri, proli et amori

Deo soli gloria.

Es folgt Pars VII Rhythmus XI. Pars VIII Rhythm. III, 5 und 6; XIV, 1-17; IV, 17-26; XIV, 19-21; XII, 1-18; dann:

Quod optamus, quod rogamus,

Donet almus spiritus, Qui te lavit, qui vallavit,

Qui sacravit caelitus.

Hierauf aus Rhythm. XV Str. 21-27.

Pars IX.

1. Gaude, virgo, quae origo Nobis es laetitiae Redemptorem et auctorem Pariendo gloriae.

Es folgen aus Rhythm. IV Str. 3 und 2; VI, 3-5; VIII, 34; IX, 5; VIII, 36, 35, 39, 40.

14. Felix sinus, quo divinus Requievit spiritus, Felix ulna (!) sub mamilla. Christus iacet inclitus.

Hierauf aus Rhythm. VIII Str. 36 und 38, aus XIII Str. 11 und 10.

18. Quam sacratae quam beatae Manus atque brachia, Quae paverunt et gesserunt, Per quem vigent omnia.

19. Pulchrae genae iunctae plene Genulis deificis, Os beatum saturatum Osculis mellifluis.

Sodann aus Rhythm. III Str. 11-13, 15-33 und aus VIII Str. 41.

42. Mater Dei, nostrae spei Causa et exordium, Posce natum ut optatum Nobis det remedium.

43. Quo sonati sauciati

Sine sorde vulnerum Transferamur et ducamur In sanctorum numerum.

Hierauf VIII, 42, 43; IX, 4; VIII, 45; IX, 28-31; sodann: Quod optamus usw.; endlich VI, 21 - 30.

Pars X besteht aus V, 1-4; VI, 4-6; V, 5-38; IX, 1-3; 8-18; V, 39-41; XIV, 22-30.

Pars XI.

1. 0 sanctarum feminarum Lumen clarum, femina, Princeps poli, maris, soli, Digna caeli domina.

2. Iucundare et laetare,

Habes, quare gaudeas, Plane geris, quo laeteris Unde felix polleas.

3. Enutristi, portavisti

Membra Christi pueri, Adorasti, quem lactasti Fructum casti uteri.

4. Puer crescit, culpam nescit, Qui quod fecit, factus est, Felix mater, tuus pater Ipse puer tuus est.

5. Servit tibi et tu sibi

Forma servi subditur, Tu ancillae, servi ille Puer vice fungitur.

6. Te hortante et astante Votis sancte operi Primum signum duxit dignum Aquam vinum fieri.

7. Honoratae ac sacratae Sunt et a te nuptiae, Quando vinum ad divinum Nutum fundunt hydriae.

8. Quam flevisti, cum vidisti Corpus Christi Domini, Per Pilatum flagellatum, Saevo datum agmini.

9. Es maerentis ac dolentis Passa mentis gladium Sub tortore, sub angore Cernens fore filium.

10. Spinis laesum, flagris caesum Cernis Iesum Dominum, Tuam prolem mundi solem, Redemptorem hominum.

11. Rex virtutis se acutis Clavis, sputis, alapis Et illatis offert gratis Palmis, flagris, colaphis.

12. Rex damnatus, perforatus Est per latus lancea, Duriora passus lora Cum corona spinea.

13. Rex suavis, o vox gravis ! Ligno clavis tenditur, Rex immensus est suspensus Cruce, tensus figitur.

14. O quam laeta es effecta, Quo impleta gaudio, Cum Messiae lux Mariae Fulsit die tertio !

15. Cum finita et contrita Morte vita claruit, Cum tonantis, triumphantis Vultus sanctus paruit.

16. Cum rex David hostem stravit, Spoliavit inferos, Nos refecit, hunc deiecit, Servos fecit liberos.

17. Cum absorptis, vinclis mortis Fortis fortem perdidit, Qui leonis et draconis Caput nobis subdidit.

18. Laetiora suis ora

Sine mora referens, Luctu plenae Magdalenae Se Mariae offerens.

19. Tu dux moris, dux pudoris, Iuncta choris gratiae, Non divisa es gavisa Iesu visa facie.

20. Istis factis et peractis

Throno patris dexterae Exaltatum et levatum Vides natum scandere.

21. Tuam prolem, verum solem, Praeceptorem fidei, Sempiternis et paternis Regnis cernis invehi.

22. Quem sincere meruere Tua ferre viscera, Stat elatis conculcatis Rex in patris dextera.

23. Stat protector et provector, Sed et rector omnium, Rex cunctorum saeculorum Regit thronum patrium.

24. Cui iuncta et assumpta Super cuncta tolleris, Coronaris, dux vocaris Terrae, maris, aetheris.

25. Angelorum et sanctorum

Omnem chorum transiens Es sublimis facta nimis Summa imis uniens.

26. Principatum et primatum Iuxta natum obtines, Sicut soli, sic sunt poli Tibi proni ordines.

27. In sollenni et perenni Summi regni gloria Imperatrix et salvatrix Regnas, radix regia.

28. Dux venusta, dux augusta, Sedens iuxta filium Celsa sede intercede,

Nunc pro grege gentium.

29. Ascendisti et sedisti

Iuncta Christi lateri, Claritatem, venustatem Ipsa praestans aetheri.

30. Nobis nata, nobis data, Exaltata nobis es, Et pro nobis, princeps orbis, Redemptoris mater es.

31. Quo te rapis, vivens lapis, Quo evadis altior, Restitutis dux virtutis, Quo me fugis celsior?

32. Huc, regina, te inclina, Caelos digna regere, Regnas caelis, dux fidelis, Ne me velis fugere.

33. Exaltata et levata

Super alta siderum, Amplexanda, veneranda, Mater blanda pauperum.

34. Te quaerentem et currentem Post te mentem sustine, Me interne et materne Mentis cerne lumine.

35. O sublimis facta nimis Caeli primiceria, 0 provecta, me exspecta Donans recta omnia.

36. Maior caelo te anhelo Culpae telo sancius, Te requiro, te suspiro Morbo diro anxius.

37. Sponsa Dei, placens ei Ad te mei oculi Dirigantur, si gravantur, Curam gere servuli.

38. Surge, blanda, surge, sancta, Surge, magna domina, Surge, curre et succurre Carnis ure crimina.

39. Consolatrix et salvatrix, lesse radix, adveni, Ad te flendo cor accendo, Manus tendo, subveni.

Es folgen schliefslich aus Rhythm. XIII Str. 23-36.

Pars XII - Rhythm. II, 1-2; VIII, 1-34; VI, 7-20 dann:

51. Illibatae et beatae,

Iesu, nate virginis, Vitae dator, mundi sator, Homo, factor hominis,

52. Fili Dei, compar ei, Porta spei publicae, Rex fidelis Israelis, Nos de caelis respice.

53. A mundana christiana Plaga sana pectora Et sustentes te credentes, Aegras mentes robora.

54. Rex tremende, nos defende, Nobis tende dexteram, Inimicam et antiquam Sterne victam viperam.

55. A leone et dracone, Iesu bone, libera, Quos de portis traxit mortis Tua fortis dextera.

56. Benedicte rex, emitte

Lumen vitae mentibus,

Regnum patris dona matris

Sacrae sacris precibus.

57. Rex virtutum, nobis tutum Praebe scutum fidei, In supernum et paternum Fac nos regnum provehi.

58. Sit Messiae, sit Mariae Omni die gratia, Patri, proli et amori Deo soli gloria.

Pars XIII - Rhythm. X, 1-30; XV, 2-20; dann:

50. Benedictis a delictis

Nos emunda precibus, Ut purgati simus apti Iungi caeli civibus.

Quod optamus, quod rogamus usw. - Pater Deus, fili Deus usw. - Endlich X, 37-43.

Pars XIV.

1. 0 Maria, o tu pia,

Fulgens diademate, Cordis penum fac serenum, Sacri plenum pneumate.

2. Fons medelae, corruptelae Meae, dele facinus, Ope precum fer hunc tecum, Ut sit, mecum Dominus.

3. Opem suam atque tuam, Ut non ruam, flagito, Caeli scala pellens mala Me sub ala tegito.

4. Flos fraglascens, flos non marcens, Fructus pascens angelos, Flos provecte, flos electe Ad me flecte oculos.

5. In hoc freto inquieto

Cursum peto liberum, Deo cara et praeclara, Portum para prosperum.

6. Lux exortum, duc ad portum Nos per lumen gratiae, In hoc salo nos a malo Salva, virgo gloriae.

7. Mater ducis, quae producis Germen lucis hominum, Me in grege Christi rege Et in lege Domini.

8. Da, timorem et ardorem Carnis plorem iugiter Et ut ream vitam meam Gaudens fleam dulciter.

9. Puriores praesta mores,

Ut, quod horres, horream, Meos renes sic refrenes Ut, quod tenes, teneam.

10. Post tumultus, post singultus Dei vultum videam, Sempiternam et aeternam Pacem certam habeam.

11. Non casuros, non lapsuros Cernam muros gloriae Et sonorum illum chorum Filiorum gloriae.

12. Praesens Dei faciei

Laudes ei resonem, Iubilando et cantando Ore blando intonem.

13. David proles, sicut soles, Solve moles scelerum, Ad magistrum Iesum Christum Reduc istum miserum.

14. Post errorem ad pastorem Reduc ovem perditam, Aspirandae et sperandae Vitae pande semitam.

15. Ora Deum, poscens eum, Ut hunc reum liberet Ne molestus et infestus Carnis aestus superet.

16. Carnem frena, cor serena, Virgo plena gratia, Lumbos stringe, cor accinge Mentis terge vitia.

17. O patrona, mihi dona Cingi zona aurea, Da successum, fer oppressum Atque fessum recrea.

18. Stirps Iessaea, dux astraea, Mea terge scelera, Et mundana ac humana Clemens sana vulnera.

19. O regina, huc festina, Plagis vina inice, De olivo compassivo, Donec vivo, refice.

20. Cor compunge, mentem unge, Vino iunge oleum, Des amorem in auctorem Et da florem niveum.

21. A terrenis nos venenis, Virgo lenis, libera, Medicamen et solamen Vulneratis praepara.

22. Stirps regalis, dux vitalis Istos a malis eripe, A peccato defensata Mortis fracto principe.

23. Radianti et flagranti Igne sancti spiritus Ruiturae et impurae Carnis ure fremitus.

24. Reluctantis et obstantis Blanda carnis iurgia Tu compesce pia prece Mediatrix regia.

25. Maris stella, caeli cella, Interpella filium, Ut placatus rex beatus Praestet nunc auxilium.

26. Speciosa caeli rosa, Gloriosa domina, Corruptelae et querelae Nostrae dele crimina.

27. Roga gratis vultum patris Pro peccatis omnium, Et discordes fac concordes Tergens sordes mentium.

28. Mater Dei, in qua rei

Habent spei plurimum,

Nos dignare transportare

Mundi mare maximum.

29. Ne erremus, te videmus, Assis remus, anchora, Et ignaris largiaris Nobis maris litora.

30. Dux credentum, spes iacentum lube ventum conteri, Sis conductus, ne nos fluctus Poenis mergant inferi.

31. Stella maris, quae probaris Stellis claris clarior, Vere pura creatura, Ipsis caelis purior.

32. Stella lucens, nos conducens, Nostra mulcens pectora, Da quieta et repleta Pace laeta tempora.

33. Urbs conclusa, nos excusa Prece fusa filio, Et repelle vim procellae Tuae stellae radio.

34. Vultu leni princeps veni Nazareni agminis, Nos de portis trahe mortis, Turris fortitudinis.

35. Iustos tege, reos rege, Mater novae gratiae, Nos circumda, nos emunda Lavans unda veniae.

Hiernach Pater Deus, fili Deus usw. und letztlich XII, 26-40. Pars XV - Rhythm VII, 1; XIII, 1-9; 12-22; X, 31-36. Dann Quod optamus usw., Pater Deus usw. und endlich:

1. Bona mater, per quam frater Nobis noster auctor est, Qua reatus expiatus, Ex qua Deus natus est.

2. Propter illum, quem pusillum Laetavisti, subveni, Nos accessu et successu Dona Iesu Domini.

3. Fili bone, menti pronae Bonum omne tribuas, Propter matrem sospitatem Atque pacem annuas.

4. Actiones et sermones Nobis dones regere Et peccatis emundatis Vultum patris cernere.

5. Mater bona, pia, dona,

Quod mens prona supplicat, Suspirando et orando Ore blando praedicat.

6. Propter partum tibi datum, Tuo altum utero, Miserere et medere Modo huic misero.

7. Fili dulcis, qui nos fulcis, Lux et lucis conditor, Fili matris, verbum patris, Pietatis genitor,

8. Propter illam, quae mamillam Suam tibi praebuit, Da sincere te videre, Quem haec ferre meruit.

9. O amanda, mater blanda, Amplexanda domina, Stella lucis, quae conducis Sanctae crucis agmina.

10. Propter Christum, benedictum Tui fructum uteri, Sempiternum et supernum Nobis regnum aperi.

11. Bone fili, de hostili Dissimilitudinis Regione nos expone, Fili bonae virginis.

12. Tibi gratis et beatis

Tuae matris precibus Efficacem et veracem Dona pacem omnibus.

13. Mater pia, vim, Maria, Frange diabolicam, Flectas agnum, regem magnum, Pelle manum hosticam.

14. Propter illum, quo vexillum Dante primum obtines, Sis conductus, pelle luctus, Pacis fructus semines.

15. Fili pie, stirps Mariae, Nos in die Domini Contuere et dignare Opem ferre homini.

16. Prece huius, inter cuius Infans flesti brachia, Fove stantes, fer labantes, Discordantes socia.

17. Mater clara, Deo cara Incomparabiliter, Cunctis, qui te colunt rite, Bona mitte ingiter.

18. Mater, mater, bona mater, Immo mater optima, Universis te professis Mater assis proxima.

19. Fili matris pietatis,

Splendor patris luminum, Dux bonorum, salva chorum Filiorum hominum.

20. Prece matris solve gratis Vetustatis filios Vagos funda, lapsos munda Et circumda sobrios.

21. Mater bona et persona, Cunctis dona gaudium, Adoptatis et renatis Pande matris gremium.

22. Mater nostra, matrem monstra, Nos a culpis expia, Et peccato propulsato Natos nato socia.

23. Bone fili, sis ovili Reconciliatio, Da felicem genetricem Gregi ducem proprio.

24. Illa mater est, tu frater, Magnus super alios, Fide firma tu confirma Fratres, illa filios.

25. Bona mater et tu frater, Bone noster Domine, Tu Maria, tu Messia, Nate pia virgine,

26. Ambo mites, ambo dites In misericordia, Caritate nos ligate, Nobis date gaudia.

27. Quod iubetis, id donetis Malis spretis agere, Quod amatis, tribuatis Vivis factis colere.

28. Bone frater, bona mater, Ambo semper placidi, Amovete et arcete

Fraudes hostis perfidi.

29. Scorpionis et leonis Tensa bonis retia Dirumpatis et frangatis Suae artis noxia.

30. Sit Messiae, sit Mariae Omni die gratia, Patri, proli et amori, Deo soli gloria.

31. Sit divinae sine fine Decus atque gloria Maiestati, qua creati Sumus nos et omnia.