67. De beata Maria V.

1. Gaude, sanctae trinitatis
Templum sacrum, puritatis

Turris tu fortissima,
Plus quam nectar est amandum
Tuum nomen venerandum,

O virgo pulcherrima.

2. Est exorta veritas
De te et benignitas,

O spes animarum,
Fructus venit nobilis
De te, terra fertilis,

O pulchra rosarum.

3. Tu es regis civitas,
Nostra tu es claritas,

O flos sine spina,
Ortus est altissimus
De te ac altissimus,

O stella marina.

4. Gemma fac nos o decora

Te laudare omni hora,

Quae cum Deo iubilas,
Carne pulchra, o devota,
Magis mente grata tota,

Quae prae cunctis rutilas.

5. Iustis orta lux aeterna
Est per te, porta superna,

Quae in caelis habitas,
Hinc de manu peccatorum
Animabus sit tuorum
Libera securitas.

6. O mira quae multa facis,
Felix tu alumna pacis,

Audi nos hilariter
Novum melos iubilantes,
Corde, voce te laudantes

Adiuva tu dulciter.

7. In hac vita impugnamur
Crebrius et debellamur

Nos ab hoste fortiter,
Sis columna nubis tegens
Nos cadentes sisque regens,
Ne damnemur iugiter.