887. In sancti Clementis Papae.

Ad 1. Vesperas.
Super Psalmos.

A. Gloriosi gloriosa

Clementis sollemnia,
Quam produxit olim mundo

dives Christi gratia,
Veneretur sancta sanctae
contio ecclesiae.

Ad Magnificat.

A. Vir beatus Clemens sanctus
praesul apostolicus,
Cuius festam praevenimus
et triumphum colimus,
Praestet nobis prece sua
sempiterna gaudia.

Ad Matutinas.
Invitatorium

Exsultanter adoretur
regum clementissimus,

Qui Clementem, summum papam,
induxit in requiem.

In 1. Noctuno
Antiphonae.

1. Sanctum post Petrum tertius
Superfuit Clemens pius
Ecclesiae Romuleae
Magistrum sequens opere.

2. Hic a cunctis fidelibus
Iudaeis et gentilibus
Amabatur fideliter
Christi plebis pius pater.

3. Papa Clemens gloriosus
Domini gratia fultus
Non timebat Sisinnium
Nervae principis amicum.

4. Beati viri doctrina
Theodora erudita
Vero regi serviebat,
Quem devote diligebat.

5. Incredulus Sisinnius
Ecclesiam introgressus
Insidiatur coniugi
Christo Deo famulanti.

6. Beato papa Clemente
Preces Domino fundente
Subito caecus et surdus
Efficitur Sisinnius.

Responsoria.

1. Post Petrum beatissimum
Christi Iesu discipulum
Clemens exstitit tertius
Romanus apostolicus,

V. Repletus sacro flamine
Spiritalique munere.

prosa.

Martyr Domini caelica

plenus gratia
Clemens protegat per saecla

canentes talia,
Ac benedicat apostolicus.

2. Regis Nervae non timebat
amicum Sisinnium
Gloriosus papa Clemens
fultus Dei gratia ;

V. Hic a cunctis amabatur
Iudaeis et gentibus.

3. Per beatum Clementem,
Christi militem,
Luce perfusa
Theodora
Deo sedulum
Exhibebat obsequium,

V. Sisinnio quidem eius viro
Nimia caede percusso.

4. Vernans purperea
caelitus in toga
Nos Clemens iugiter
ut pater adiuva,

V. Martyr, martyrii
maxima gloria.

In 2. Nocturno.
Antiphonae.

1. Prostravit se Theodora
Beato papae Clementi
Poscens, ut suo coniugi
Auditum daret et visum.

2. Confidens in Iesu Christo
Clemens sanctus piissimo
Prece pia deprecatur.
Ut viro misereatur.

3. Sanus factus Sisinnius
Statim redditur insanus
Iubetque sanctum praesulem
Teneri atque vinciri.

4. Imperatoris praecepto
Deducitur exsilio
Cum sanctis confessoribus
Papa Romanus inclitus.

5. Cum vidissent sancti, Dei
Digni iam martyres facti,
Beatissimum Clementem,
Collaudant omnipotentem.

6. Cum orasset sanctus Clemens,
Agnum Christum vidit stantem,
Quem poscat nobis clementem
Lucis ac fluminis fontem.

Responsoria.

1. ''Videntes antem idolorum
cultores omnem ferepopulum
ad Deum conferti contra
Clementem excitaverunt
seditionem,''

V. ''Nempe scientes tum inde
esse administratorem.''

2. Fratribus ab exsulatis
Clemens pius didicit.
Quod non aqua foret illis
ad potandum habilis ;

V. Orans agnum stantem vidit,
quo fons vivus patuit.

3. Martyr Clemens venerande
Tibi devotos protege
Facque tecum gratulari
Ut postulamus cernui,

V. Impetra gaudia regni

Salvans ab hoste crudeli.

4. O felix pueri

gurgite custos,
Clemens, nos pueros
effice magnos ;

V. Exaudi proprios,
altor, alumnos.

Prosae.

Maxime Deus,

quem laudant angeli,
Venerantur, tremunt

potestates caeli,
Culpae veniam

adnue nobis ;
Quia solus potens

es, parce famulis
Nosque parvos

effice magnos.

In 3. Nocturno.
Ad Capitulum.

Intercessor egenorum
praepotens ad Dominum,

Clemens, martyr, profutura
quaeque nobis impetra.

Responsoria.

1. Duo dicunt ex Clementis
populo discipuli[s] :
Oremus nos, ut ostendat.
Christus corpus martyris.

V. Cum ad litus fleret maris
multitudo populi,
Ita eos adloquuntur

Febus et Cornelius:
Oremus nos etc.

2. Invenerunt in modum templi
marmorei habitaculum a Deo
paratum.

V. Orans Christum fideliter
Cernit plebs mirabiliter
Habitaculum a Deo paratum.

3. O Clemens, Domini

martyr venerabilis, olim
Servator vivi

sub pelago pueri,
Fontis et irrigui

lymphae reparator ademptae,
Sit nobis placidus
te rogitante Deus.

V. Naevis nos purgans

pius et virtutibus ornans.

4. Clementis Christi gratia
Invenitur a populis
Clementis corpus martyris,
Romulei antistitis.

V. Discipulis revelatur,
Ne a loco auferatur
Clementis etc.

Ad Laudes.

Antiplhonae.

1. Cum rogaret turba plebis
sibi corpus martyris
Ostentari, ducens iter
per undosa patuit.

2. Indagantes marmoreum
quoddam habitaculum
Invenerunt praeparatum
angelicis manibus.

3. Ibi vero generosi

corpus situm martyris
Quiescebat, secus illud
anchora periculi.

4. Quam beata, Christe, tua,
benedicte, opera,
Qui et morte sanctos tuos
tanta comis gloria !

5. Laus et honor tibi, Christe,
virtus et aeternitas
Sit cum patre spirituque
per immensa saecula.

Ad Benedictus.

'' Dedisti, Domine, habita-
culum matyri tuo Clementi
in mari in modum templi
marmorei angelicis manibus
praeparatum, iter praebens
populo terrae, ut enarrent
mirabilia tua.''

A. Clemens, clementis

de pleno munere Christi
Tecum nos aliqua
donari posce corona.