1. Jubilemus dulciter
Odas depromentes,
Hymnis, lyris, canticis
Melos exsolventes,
Altithrono domino
Cuncta gubemanti,
Inque sede polorum
Pater residenti.
2. O mira Immensitas
Nostri creatoris,
Quem nulla nostra pravitas
Valet demoliri,
Filium ab aeterno
Misit Incarnari,
Ut ejus creatura
Posset reformari.
3. Hoc non esse dubium
Sed fide fateri
Licet semper hominum
Corde confiteri,
Ex Intacta theotocos
In mundum venisse,
Microcosmum perditum
Sibi reformasse.
4. Ave splendor summi patris,
Et virtus unica,
Salus honor gloria
Pax laus victoria,
Qui venisti In carne,
Ut nos redimeres,
A gehenna Iniqui
Cruore piares.
5. Nulla valet actio
Robori obire,
Nec humana ratio
Genus definire,
Ab aeterno genitus
Illuc descendisti,
Castissimae virginis
Claustra penetrasti.
6. Non est In toto circo
Sibi consimilis,
Nec prophetarum ore
Quondam laudabilis,
Praeter hanc clarissimam
Virginem Mariam,
Sponsam Dei fulgidam,
Matrem humillimam.
7. Eja mater, domina.
Mater et ancilla,
Flagita prece filium,
Ferat auxilium
Nobis Indignis miseris,
Fruamur In terris,
Ut coronemur In coelis
Cum nato superis.
8. Suaviter decantantes
Laudem In excelsis.
Faciem speculantes
Nostri plasmatoris,
Perfruamur gratia
Ejus In curia,
Ubi sanctorum unitas,
Pax, laus et gloria.