Congregatio de Institutione Catholica 159

Praesertim in primo cyclo saltem quinque stabiles docentes habeantur

oportet ita distributi: unus in metaphysica, unus in philosophia naturae,

unus in philosophia hominis, unus in philosophia morali et politica, unus in

logica et philosophia cognitionis.

Quod ad alias materias, sive obligatorias sive optabiles, Facultas auxilium

aliorum docentium quaerere potest.

b) Docens aptus fit ad docendum in Facultate ecclesiastica si gradus

accademicos requisitos in ecclesiastica Facultate Philosophiae consecutus

fuerit (cfr. Ord., Art. 17).

c) Docens vero qui nec Doctoratum canonicum nec Licentiam canonicam

possidet, adnumerandus est uti professor stabilis ea tamen lege ut praeditus

sit institutione philosophica quatenus ad materiam et ad methodum congrua

est institutioni in Facultate ecclesiastica propositae. Ad candidatos de

idoneitate docendi in ecclesiastica Facultate Philosophiae iudicandos,

perpendere oportebit: peritiam necessariam in materia iis assignata;

congruam apertionem ad universitatem scientiae; in publicationibus et in

navitate didactica adhaesionem veritati quam fides docet; intellectionem

satis profundam concordis necessitudinis inter fidem et rationem.

d) Curandum erit ut ecclesiastica Facultas Philosophiae semper maiorem

partem habeat docentium stabilium qui possideant Doctoratum ecclesiasti-

cum in philosophia, vel Licentiam ecclesiasticam in quadam scientia sacra

simul cum Doctoratu in philosophia apud Universitatem non ecclesiasticam

adepto.

Art. 62 [Quaedam normae particulares pro ecclesiasticis Facultatibus Phi-

losophiae et Institutis affiliatis]

[Studentes]

In universum, ut studens admitti possit ad secundum cyclum in philoso-

phia necesse est ut Baccalaureatum ecclesiasticum in philosophia consecutus

sit.

Si studens philosophica studia perfecerit in Facultate Philosophiae non

ecclesiastica apud Universitatem catholicam vel in alio Instituto altiorum

Studiorum, admitti potest ad secundum cyclum tantummodo si, per conve-

niens examen, demonstraverit se praeparationem habere quae par sit illi