Acta PU Pp. XII 1 9 9

pararetur australis pars, quae in novam dioecesim redigeretur ; cumque venerabiles Fratres Nostri S. R. E. Cardinales S. Congregationi Fidei Propagandae praepositi hanc rem et archidioecesis condicioni opportu-

nissimam esse et animorum bono plurimum conferre iudicaverint, Nos

eorum sententiam libentissimo probamus animo. Re igitur attento stu-

dio considerata atque idcirco certa scientia eorum, quae facturi sumus,

consensu praeterea suppleto eorum omnium, qui in hac re aliquid ha-

beant iuris vel se putent habere, de Nostrae potestatis plenitudine se-

quentia statuimus. A Perthensi archidioecesi totum territorium sepa-

ramus, quod sub parallela linea 32°45'6// australis latitudinis protenditur,

idque in novae formam redigimus dioecesis, quae a Bunbury urbe nomen

mutuans suum Bumburiensis appellabitur. Cuius dioecesis termini

erunt propterea Perthensis archidioecesis meridianus finis, quem eadem

parallela linea posthac discernet, atque maritimae orae, quas Indianus

alluit oceanus. Quae nova Bumburiensis dioecesis metropolitanae Per-

thensi Ecclesiae erit suffraganea, eiusque Episcopi, ut patet, Perthensi

Archiepiscopo recte et iure subicientur. Cuius praeterea sedes Ecclesiae

ipsa erit urbs, quam Bunbury vocant, atque Episcopi cathedra in curia-

libus aedibus S. Patricio sacris collocabitur, quas ad cathedralis templi

honorem perducimus ac dignitatem. Ad Bumburiensem igitur Ecclesiam

iura et onera spectabunt, quae ad ceteras pertinent dioeceses; eius pan

riter pro tempore Praesules sive iuribus, potestatibus atque honoribus

decorabuntur sive oneribus officiisque tenebuntur, quae ex iure com-

muni eiusmodi Episcoporum dignitatem assectantur. Quo vero diligen-

tius in dies pueri illi excolantur, quorum animos superna Dei bonitas

ad sacerdotium incenderit capessendum, volumus ut, ubi primum pote-

rit, Bumburiensis Episcopus seminarium condat saltem elementarium.

Episcopalis autem mensa, quae dicitur, iis constabit bonis, si qua sint,

quae territorio a Perthensi archidioecesi distracto, pro rata parte,

accedebant, vel emolumentis Bumburiensi Curiae obventuris, vel pecunia

sive a S. Consilio Fidei Propagandae sive a fidelibus offerenda. Quod

autem attinet ad Vicarii Capitularis, sed vacante, electionem, ad fide-

lium et sacerdotum iura et onera aliaque huiusmodi, eadem servari prae-

cipimus quae Iure Canonico iubentur. Quod denique ad clerum nomi-

natim spectat, decernimus ut simul ac hae Litterae Nostrae ad exsecu-

tionem deductae fuerint, eo ipso clerici Ecclesiae illi habeantur ascripti,

in cuius finibus legitime degunt. Ut autem ea quae Nostris hisce Litteris

praecipimus fiant, venerabilem Fratrem Romulum Carboni, Archiepisco-

pum titulo Sidoniensem et in Australasia Apostolicum Delegatum, deli-