86. "Prosa de Sanctis Omnibus."

1 a. Festum crescens et cunctorum,
Explementum ceterorum,
Dat aeterna trinitas.

1b. In hoc ipsa principatur,
Qua sanctorum coronatur
Felix universitas.

2 a. Semper virgo mater Christi
Toti praerogatur isti ;
Tanta trans collegia

2 b. Throno iuncta verbo proli
Secus veram vestem soli
Regnat super omnia.

3 a. Novem gradus angelorum
Ternat graphos distinctorum
Ierarchali titulo,

3 b. Divinumque simplex esse
Venerantur indefesse
Iugi laudum cumulo.

4 a. Patriarchis et prophetis
Ac Baptistae demptis metis
Firma constant gaudia;

4b. Gemmis cordis luculenti,
Tamquam forent in praesenti,
Prompsere mysteria.

5 a. Cephas habet coetum clarum,
Et tetras tbeosebarum
Ampla nitet gratia.

5 b. Lauris martyrum sunt rosae,
Confessorum pretiosae
Candent vitae lilia.

6 a. Hic sat mire beatarum
Splendet turba feminarum
Fruens pace socia,

6 b. Bonos calles non linquendo
Et reductae paenitendo
Poli pandunt praemia.

7 a. Quisquis digne promeretur,
Ut ibidem sic locetur,
Dictos greges consequetur
Fausti plausus copia.

7 b. Manet spes his duplae stolae,
Cum de terrae surgent mole,
Nec minus fulgebunt sole
Nova carnis gloria.

8a. Ecce, domus Israelis,

Phalanx victrix, urbs fidelis,
Fractis mali crebri telis
Triumphans ecclesia,

8b. Alta Sion, templum latum,
Vitis magna, florens pratum,
Agnum saepe demonstratum
Forma typi varia.

9 a. Vi fervente studeamus,
Dam sub armis militamus,
Ne nos laedat hostis hamus,
Sed ad iustos pertingamus,
Quorum fit memoria.

9 b. Rem tam grandem largiatur
Mons, qui caelos amplexatur,
Humi centrum speculatur,
Sceptri cono moderatur
Ima, summa, media.

87. De Omnibus Sanctis.

1 a. Ad honorem

caelestis curiae
Regem regum,

solem iustitiae,
Collaudantes
psallamus hodie
Mente pura.

1b. Haec est dies

captandae verdae,
In qua cives

aeternae gloriae
Venerantur,

qui nos ad patriae
Vocant iura.

2 a. Huius festi

Tenens initium
Mundi factor

[et rerum] omnium,
Qui est finis

atque principium,
Deus unus:

2 b. Pater summus,

summam refugium,
Ab aeterno

generans filium,
Quod emittit
flamen, fidelium
Verum munus.

3 a. Hinc exsultat

virgo, flos virginum,
Quae caelorum

regem et Dominum
Tulit, panem

et vitam hominum,
Iesum Christum.

3 b. Haec permansit

per omnem terminum
Virgo consors

celsonm agminum,
Omni purgans
[a] labe criminum
Mundum istum.

4 a. Angelorum

milium milia,
Archangeli

et Dominiantia,
Throni necnon
et Principantia
Gloriantur.

4 b. Potestates

pellentes vitia,
Cherubim et

Seraphim gloria
Et Virtutum
mira prodigia
Gratulantur.

5 a. Gaudet praeco

vatumque contio,
Qui nos suo

docent praesagio,
Quo sit nostra
fixa intentio
Ad aeterna.

5 b. Apostoli

resultant gaudio,
Quorum subest

mundus iudicio,
Nosque solvunt
mortis contagio
In superna.

6 a, Decoratur

martyrum sanguine
Dies ista,

qui mundi turbine
Victo gaudent
in caeli culmine
Laureati.

6b. Confessorum

fulget et agmine,
Qui et huius

vitae regimine
Sunt aeterna
beatitudine
Munerati.

7 a. Virginalis

floret humilitas,
Continentum

refulget castitas ;
Hanc et illam
Christi benignitas
Amplexatur.

7 b. Electorum

laetatur caritas,
Quos mundana

non trahit vanitas,
Sed in ipsis
superna civitas
Iucundatur.

8 a. Horum ergo

nunc patrocinia
Imploremus,

quorum sollemnia
Venerari

laudum fragrantia
Studeamus,

8 b. Ut cum eis

aeterna gaudia
In superna

caelesti patria
Promereri

saecla per omnia
Valeamus.