225.

Mundus ad luxuriam hortatur.

1. Veneris prosperis

Usa successibus
Turba, nascentibus
Floribus teneris

Exsequaris priscum more

Ad amorem
Accingaris sceleris
Praetermissis ceteris.
2. Solitum debitum

Reddite Veneri,

Juvenes teneri,
Laudes et meritum

Is enervat juventutis,

Qui virtutis
Formam servat, libitum
Pueris est licitum.

3. Jupiter arbiter
Rerum instituit,
Nibil, dum libuit,
Fieri turpiter,

Sic edixit sicque votis
Usus totis
Suo vixit jugiter
Edicto conformiter.
4. Vivere temere
Satagam igitur,
Qui Jovem sequitur,
Non agit temere,
Fixus telo voluptatis
Utar natis
Voluptatis sidere
Navigans sub Venere.