Congregatio de Causis Sanctorum 315

dis parentes, qui medici ambo, eiusque familiares et alii divinam opem coe- perant invocare per intercessionem praedicti Beati Hannibalis Mariae, cuius reliquia quaedam corpori infirmae applicata est. Parvula inde a die 9 mensis Februarii gradatim morbo levabatur usque ad perfectam sanitatis recupera- tionem. Quae quidem die 6 mensis Martii anno 1993 sanata e valetudinario dimissa est, integra impraesentiarum valetudine utens. Quo de casu apud Curiam Iarensem annis 2000-2002 Inquisitio dioecesana peracta est, cuius validitas iuridica rata est ab hoc Dicasterio per decretum die 13 mensis Decembris anno 2002 latum. Consilium Medicorum, in Sessione die 15 mensis Octobris anno 2003 habita, agnovit supradictam infantem convaluisse e « gra- vi meningoencephalite, eademque ob statum septicum, hydrocephalum et atrophiam corticalem cerebralem ingravescente », ratione celeri, perfecta, sta- bili atque inexplicabili, exitibus providendis etiam pro pharmaco «Imipe- nem » improprie subministrato omnino deficientibus. Die 15 mensis Ianuarii huius anni 2004 habitus est Congressus Peculiaris Consultorum Theologorum, cum porro die 20 eiusdem mensis Patres Cardinales et Episcopi, Exc.mo D.no Ioanne Coppa, Archiepiscopo titulo Sertensi, Causae Ponente, Sessionem Or- dinariam celebrarent. Et in utroque Coetu, sive Consultorum sive Cardina- lium et Episcoporum, posito dubio an de miraculo divinitus patrato consta- ret, responsum affirmativum prolatum est. Facta demum de hisce omnibus rebus Summo Pontifici Ioanni Paulo II per subscriptum Cardinalem Prae- fectum accurata relatione, Sanctitas Sua vota Congregationis de Causis Sanc- torum excipiens rataque habens, mandavit ut decretum de praedicta mira sanatione conscriberetur.

Quod cum rite esset factum Beatissimus Pater declaravit: Constare de miraculo a Deo patrato per intercessionem Beati Hannibalis Mariae Di Fran-

cia, Sacerdotis, Fundatoris Congregationum Rogationistarum a Corde Iesu et

Sororum Filiarum a Divino Zelo, videlicet de celeri, perfecta ac stabili sana-

tione puellulae Clarae Nicolaidis Diaz a « grave meningoencefalite, complicata

da stato settico, idrocefalo e atrofia corticale cerebrale ».

Voluit autem Sanctitas Sua ut hoc decretum publici iuris fieret et in acta Congregationis de Causis Sanctorum referretur.

Datum Romae, die 22 mensis Ianuarii A. D. 2004.

IOSEPHUS card. SARAIVA MARTINS Praefectus

L. & S. £8 Eduardus Nowak

archiep. tit. Lunensis, a Secretis