An. et vol. XCI 4 Martii 1999 N. 3

ACTA APOSTOLICAE SEDIS

COMMENTARIUM O F F I C I A L E U\ * ^

Directio; Palazzo Apostolico - Città del Vaticano - Administratio: Libreria Editrice Vaticana

ACTA IOANNIS PAULI PP. II

CONSISTORIA

Sabbato, die ix mensis Ianuarii, anno MCMXCIX, mane, in consueta Aula

Palatii Apostolici Vaticani, fuit Consistorium ordinarium publicum, cuius ac-

ta ex ordine referuntur:

I - Introductio

Summus Pontifex, stans, signavit se signo crucis et cantavit versum

Deus in adiutorium ad horam Sextam inchoandam, adstantibus Patribus

Cardinalibus, sacris Praesulibus et Romanae Curiae Praelatis quibus intima-

ri solet, deinde praesentes certiores fecit de tractandis in Consistorio hisce

verbis:

Venerabiles Fratres, opportunitatem iam singuli perpendistis beatum

Marcellinum Iosephum Benedictum Champagnat, beatum Ioannem Calabria

et beatam Augustinam Liviam Pietrantoni in Sanctorum numero censendi

et sententiam vestram per litteras aperuistis. Unum idemque vos sentire et

Canonizationi favere ostendistis.

Itaque omnes huc vos convocavi ut una simul peragamus et consilium

ultimum capiamus de Sanctorum caelitum honoribus iisdem Beatis decer-

nendis; sed et quaedam tractabimus cum ad regimen Ecclesiae tum ad ve-

strum Collegium pertinentia.

Cum autem agatur de consilio magni momenti in vita Ecclesiae, in pri-

mis Domini laudes psallendo narremus, eius verbum fidentes audiamus,

enixas effundamus preces ut ille sua gratia mentes nostras illuminet nobis-

que ostendat quid sibi gratum sit, qui ad incrementum Ecclesiae proficiat.