858 Ada Apostolicae Sedis - Commentarium Officiale

tates pastorales respiciant. In vocationibus ad diaconatum permanentem di­ scernendis requisita quaedam prae oculis habenda sunt indolis generalis et alia quae peculiari vocatorum statui vitae respondeant.

1. Requisita indolis generalis

Lineamenta a Sancto Paulo adumbrata

30. Prima figura diaconi in Prima Epistola sancti Pauli ad Timotheum prostat: « Diaconos similiter púdicos, non bilingues, non multo vino deditos, non turpe lucrum sectantes, habentes mysterium fidei in conscientia pura. Et hi autem probentur primum, deinde ministrent nullum crimen haben­ tes... Diaconi sint unius uxoris viri, qui filiis suis bene praesint et suis do­ mibus; qui enim bene ministraverint, gradum sibi bonum acquirent et mul­ tam fiduciam in fide, quae est in Christo Iesu» (1 Tim 3, 8-10.12-13).

Indicia Patrum Ecclesiae

Qualitates a Paulo enumeratae potissimum humanae sunt, quasi - ut ita dicatur - diaconi munere suo fungi non possint nisi exemplar etiam sub respectu humano existimatum sese exhibeant. Pauli doctrinae resonan- tia in aliis Patrum Apostolicorum scriptis, praesertim in Didachè et apud Sanctum Polycarpum reperitur. Didachè hortatur: « Constituite igitur vobis episcopos et diaconos dignos Domino, viros mansuetos et argenti non cupi­ dos et veraces et probatos »;3 3 Sanctus Polycarpus vero admonet: « Similiter diaconi in conspectu iustitiae eius inculpati esse debent, sicut ministri Dei et Christi, non hominum; ne calumniatores sint, ne bilingues, nec avari; sed continentes in omnibus, misericordes, seduli, incedentes secundum verita­ tem Domini, qui omnium minister factus est ».34

Requisita Codicis Iuris Canonici

31. Postea traditio Ecclesiae ulterius complevit atque definivit requisita, quae vocationis ad diaconatum authenticam naturam suffragantur. Ea in primis sunt quae ordines in genere respiciunt: « Ad ordines ii soli promo­ veantur qui... integram habent fidem, recta moventur intentione, debita pollent scientia, bona gaudent existimatione, integris moribus probatisque

33 Didachè, 15, 1: F. X. Funk (ed.), Patres Apostolici, I, o.c, pp. 32-35. 3 4 S. POLYCARPUS, Epistula ad Philippenses, 5, 1-2: F. X. Funk (ed.), Patres Apostolici, I,

o.c, pp. 300-302