Congregatio de Causis Sanctorum 615

excipiens rataque habens, mandavit ut super heroicis Servi Dei vir­ tutibus Decretum conscriberetur.

Quod cum rite esset factum, accitis ad Se hodierno die Cardinali infrascripto Praefecto necnon Causae Ponente meque Antistite a Se­ cretis Congregationis ceterisque de more convocandis, eisque astan­ tibus, Beatissimus Pater sollemniter declaravit : Constare de virtuti- bus theologalibus Fide, Spe et Caritate tum in Deum tum in proxi- mum, necnon de cardinalibus Prudentia, Iustitia, Temperantia et For- titudine, eisque adnexis, in gradu heroico, Servi Dei Zephyrini Ago- stini, Sacerdotis, Parochi, Fundatoris Congregationis Ursulinarum Fi- liarum Mariae Immaculatae, in casu et ad effectum de quo agitur.

Hoc autem Decretum publici iuris fieri et in acta Congregationis de Causis Sanctorum idem Summus Pontifex referri mandavit.

Datum Romae, die 22 mensis Ianuarii A. D. 1991.

ANGELUS card. FELICI, Praefectus L. © S.

£8 Eduardus Nowak archiep. tit. Lunensis, a Secretis

IV

VICENTINA

DECRETUM Canonizationis Servae Dei Caietanae Sterni, Fundatricis Sororum a Divi­ na Voluntate (1827-1889).

SUPER DUBIO

An constet de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iu- stitia, Temperantia et Fortitudine eisque adnexis in gradu he- roico, in casu et ad effectum de quo agitur.

«Fiat voluntas tua» (Mt 6, 10). Haec invocatio, quam Dominus Iesus media in mira ad Patrem elatione collocare voluit, cum nos do­ cuit orare, est a Spiritu sanctificatore notis ardentibus impressa in animo Servae Dei Caietanae Sterni, Sororum a Divina Voluntate Fun­ datricis.