Actu Pii Pp. XII mí

LITTERAE APOSTOLICAE

I

TEMPLUM SANCTAE HEDWIGIS IN OPPIDO « TREBNITZ », INTRA FINES VRATI-

SLAVIENSIS ARCHIDIOECESIS, HONORIBUS BASILICAE MINORIS INSIGNITUR.

PIUS PP. XII

Ad perpetuam rei memoriam. - Inter apostolici muneris Nostri

curas haec quoque constans est ut, quo facilius non modo animarum

bono sed et decori provehendo religiosi cultus consulatur, Episcoporum

votis concedamus quae fines huiusmodi postulare videantur. Quapropter

ultro libenterque Sanctae Romanae Ecclesiae Cardinalis Vratislavien-

sium Archiepiscopi supplicem libellum excepimus, quo, ipse Purpuratus

Pater sua, cleri populique sibi crediti fervida vota depromens, Nos enixe

rogavit ut templum ad honorem Sanctae Hedwigis Deo dicatum in

« Trebnitz », intra fines Vratislaviensis Archidioecesis, ad nobilem Mi-

noris Basilicae gradum evehere dignemur. Corpus enim Sanctae Hedwi-

gis in splendido servatur sepulcro, quod hac sacra in aede christifidelium

turmae non modo ex Vratislaviensi sed ex finitimis etiam tam Germa-1

niae quam Poloniae dioecesibus pie magnoque numero invisunt. Eadem

sane Sancta cum heroica caritate enituerit, quam in Germania ipsa

Orientali praesertim uti ecclesiarum ac monasteriorum fundatrix, mo-

rum studiorumque religionis atque humanioris vitae fautrix pauperum-

que mater ostendit, pretiosum exemplum reliquit Silesiae Catholicis,

quos Nosmetipsi dum adhuc Legati Sanctae Sedis munere fungebamur,

iam in sollemni Conventu anno millesimo nongentesimo vicesimo sexto

Breslaviae habito, haeredes caritatis Sanctae eiusdem vocavimus. Me-

rito quidem templum trebnicense, tamquam centrum religiosi progres-

sus christianaeque culturae reputatum, artis propterea operibus rebus-

que magni momenti floret. Formis romanis basilicalibus iam exstructum,

interius postea ad stilum, quem barochum nuncupant, conversum est,

magnifice tamen ob sculpturas, imagines, artificia cuiusvis generis,

quibus parietes ac multa altaria divitissime exornantur. In magno autem

sacello, quod ab australi presbyterii latere, gothicis uti aiunt, formis,

saeculo tertiodecimo erectum est, sepulcrum honorificentissimum ex-

stat Sanctae Hedwigis, quae in monasterio trebnicensi, ab ipsamet fun-

dato, mortalem vitam cum immortali die decimaquinta mensis Octobris

anno millesimo ducentésimo quadragesimo tertio commutavit. Septimus