ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

Quibus Beato Iunipero Serra Sanctorum honores decernuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Dixit ergo eis iterum: Pax vobis! Sicut misit me Pater, et ego mitto vos »

( Io 20, 21).

Haec Domini verba bene congruunt cum vita opereque beati Iuniperi Ser-

ra (in saeculo Michaëlis Iosephi), qui ubique Evangelii lucem ferens, pedibus

regiones Mexici septentrionalis et Californiae percurrit atque indefatigabilis

fuit evangelizator. Suae missioni fidelis, omnem vigorem in servitium prae-

dicationis impendit, ardens amore Dei, quem cunctis hominibus uti eorum

Patrem misericordem ostendere voluit.

Petrae in Maiorca natus die XXIV mensis Novembris anno MDCCXIII ex Antonio

et Margarita Ferrer, eodemque die est baptizatus. Iuvenis familiae auxiliatus

est in agriculturae operibus tempore magnae paupertatis ob frequentes pestes

et egestates. Persentiens vocationem religiosam, Ordinem Fratrum Minorum

Palmae in Maiorca ingressus est. Mense Decembri anni MDCCXXXVII presbyter

ordinatus, duodeviginti per annos docuit philosophiam et theologiam, brevia

libera temporis momenta orationi ac meditationi impendens. Ordinis sanc-

torum missionariorum vitas legens, propositum maturavit ut licentiam petendi

Americam postularet, atque mense Ianuario anni MDCCL Mexicopolim pervenit.

Quinque per menses intensae praeparationis orationi se dicavit studioque ser-

An. et vol. CVIII 3 Iunii 2016 N. 6