ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

Quibus beato Cyriaco Eliae a Sancta Familia Chavara Sanctorum honores decernuntur.

FRANCISCUS PP.

ServuS Servorum Dei

aD perpetuam rei memoriam

« Animas vestras castifìcantes in oboedientia veritatis ad fraternitatis

amorem non fìctum, ex corde invicem diligite attentius, renati non ex se-

mine corruptibili, sed incorruptibili per verbum Dei vivum et permanens »

( 1Pe 1, 22-23).

Summa fidelitate ac benignitate iter a beato Petro apostolo demonstra-

tum beatus Cyriacus Elias a Sancta Familia Chavara transiit, qui sub lumen

divinae revelationis iugiter incessit, panem Evangelii omnibus dispertiens

ac caritatis Christi erga pauperes iuvenesque et puellas Indiae perhibens

testimonium, quos amare Deum, inservire Ecclesiae ac mundo Evangelium

nuntiare opere verboque docuit.

Die X mensis Februarii anno mDcccv in urbe vulgo Kainakary intra fines

Keralae in India e piis parentibus Cyriaco et Maria natus est et insequenti die

xviii in ecclesia paroeciali loci vulgo Chennamkary, Cyriaci sumpto nomine, ad

baptismalem fontem regeneratus. Paucis mensibus intermissis, mater eum in

sanctuario Deiparae in urbe vulgo Vechoor Beatae Mariae Virgini vovit. Inde

An. et vol. CVIII 6 Maii 2016 N. 5