ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

I

Quibus Beatae Mariae a Iesu Crucifixo Baouardy Sanctorum honores decer- nuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Amen dico vobis: Quisquis non receperit regnum Dei velut parvulus,

non intrabit in illud » ( Mc 10, 15).

Beata soror Maria a Iesu Crucifixo haec Evangelii verba sic intense vixit

ut a Domino non solum splendorem et sapientiam fidei susciperet, sed etiam

invictam vim Spiritus Sancti ad plurimas difficultates crucesque sustinendas

tam abundantes eius in vita, intimam conversationem cum Sponso oboe-

dientemque humilitatem ad ferendam susceptorum donorum magnitudinem.

Maria a Iesu Crucifixo, in saeculo Maria Baouardy, inter colles altae

Galilaeae in loco Abellin, parvo pago prope Nazareth, in Palaestina. die

V mensis Ianuarii anno MDCCCXLVI nata est parentibus pauperibus piisque,

honestis christianis Graecis Melkitis, natione Arabibus oriundis e Libano,

Georgio Baouardy, opifice, et Maria Chahyn. Post duodecim natos pueros, qui

cuncti infantes obierant, filiae expetendae causa parentes eius Bethleem pe-

An. et vol. CVIII 4 Martii 2016 N. 3