ACTA APOSTOLICAE SEDIS

C O M M E N T A R I U M O F F I C I A L E

Directio: Palazzo Apostolico - Città del Vaticano - Administratio: Libreria Editrice Vaticana

ACTA FRANCISCI PP.

LITTERAE DECRETALES

quibus Laurae a Sancta Catharina Senensi Montoya y Upegui Sanctorum honores decernuntur.

FRANCISCUS EPISCOPUS

ServuS Servorum Dei

aD perpetuam rei memoriam

« Et praedicabitur hoc evangelium regni in universo orbe in testimonium

omnibus gentibus » ( Mt 2, 14).

Beata Laura a Sancta Catharina Senensi, fide flagrans atque studio com-

pulsa Evangelii indigenis Columbiae gentibus nuntiandi, suam in missionali

navanda opera consumpsit vitam ideoque hanc ob causam evangelizatrix

illius Nationis habetur.

Die XXVI mensis Maii anno MDCCCLXXIV in pago Jericó, Columbiae Antio-

chia territorii intra fines, ex Ioanne a Cruce Montoya Gonzáles ac Maria

Dolorosa Upegui Echevarría orta est. Tres annos nata patrem amisit atque

mater, totam familiam cum sustinere non posset, eam avis custodiendam

commisit. Ab eis optime de humanitate ac religione est docta. Magistrae

gradum consecuta, docere coepit, primum ut moderatrix « Scholae Superioris

Dominularum » Amalfiae in Columbia, deinde Fredoniae et Dominicopoli,

atque anno MCMIX ut magistra Collegii Immaculatae Metellini. Sed ad Christi

sequelam per religiosam vitam vocationem, quam puella perceperat, vehe-

mentius animadvertit, et anno MCMVII, XXXIII annos nata, cum Marinillae

An. et vol. CVII 6 Martii 2015 N. 3