Fragmenta in Matthaeum

Mt 1, 16

Καὶ Ἀπολινάριος δὲ τὴν τελευταίαν μόνην ἀποδεχόμενός φησιν· ἡ μὲν τοῦ Ματθαίου γενεαλογία φυσικὴν ἔχει τὴν διαδοχὴν τῶν γεννηθέντων, ἡ δὲ τοῦ Λουκᾶ νομίζεται τῶν ἐπιγραφέντων υἱῶν κατὰ τὸν νόμον τοῖς μὴ γεννήσασιν· οὕτως γὰρ «Ἰωσὴφ ἐπιγράφει τῷ Ἠλὶ» γενόμενον ἐξ < Ἰακώβ , ἀπογόνου> Ἰεχωνίου. οὕτως ἐκ διαφόρων ἀρχῶν ἀρξάμενοι ὁ μὲν Ματθαῖος ἀπὸ τοῦ «Σαλομῶνος», ὁ δὲ Λουκᾶς ἀπὸ τοῦ «Ναθὰμ» εἰς τὸν αὐτὸν Ἰωσὴφ ἔρχονται.

2 Mt 1, 16 Φησὶ γοῦν Ἀπολινάριος, ὅτι πατρὶ παῖς ἐπιγράφεται. πατὴρ δὲ αὐτοῦ κατὰ χάριν ὁ Ἰωσὴφ καὶ ἅμα κατὰ σάρκα διὰ τῆς γυναικός. καὶ βέβαιον αὐτῷ τὸ εἶναι πατέρα Χριστοῦ τοῦ ἐκ τῆς ἰδίας αὐτοῦ σαρκὸς γεννηθέντος ἥτις ἐστὶ Μαρία , ὅπου γε καὶ τῷ τεθνεῶτι βέβαιον ἦν τὸ ἴδιον εἶναι αὐτοῦ παιδίον τὸ γεννώμενον ἐκ τῆς γυναικὸς αὐτοῦ καὶ τοῦ ζῶντος ἀδελφοῦ. εἰ γὰρ ἰσχυρὸν τὸ τοῦ νόμου, πολλῷ μᾶλλον τὸ τῆς χάρι τος. ἦν δὲ καὶ ἡ ἐξ ἀρχῆς ἐπαγ γελία πρὸς ἄνδρα, οὐ πρὸς γυναῖκα. οὗτος γὰρ τὸ προηγούμενον ζῷον καὶ θεῷ προσεχέστερον καὶ οὕτως ὁ κατ' εἰκόνα. Κατ' ἀμφοτέρας τὰς γενέσεις τοῦ Χριστοῦ πατὴρ ἀναδείκνυται ὁ Ἰωσήφ , κατά τε χάριν καὶ κατὰ σάρκα· κατὰ χάριν μὲν διὰ τῆς μνηστευθείσης αὐτῷ παρθένου, κατὰ σάρκα δὲ διὰ τὸ ἐκ τῆς αὐτῆς εἶναι φυλῆς τήν τε παρθένον καὶ τὸν Ἰωσήφ . 3 μτ 1, 19 Ἀπολινάριος δὲ τὸ δειγματίσαι καὶ αὐτὸς παραθέμενος τὴν τοῦ μακαρίου Ἰωάννου καὶ Θεοδώρου ἐξήγησιν ἐπήγαγεν.

4 Mt 2, 1-12 Πολλὰ τὰ μαρτυροῦντα ἐξ ἀρχῆς τὴν ἡμετέραν σωτηρίαν, ἀλλὰ τού των ἁπάντων ἀρχὴ φαίνεται εἶναι ἡ τῶν μάγων ἀπαρχή. αὕτη δὲ καὶ τῶν ἐθνῶν ἁπάντων ἀπαρχὴ λέγεται εἶναι. καὶ οὐ τοῦτο μόνον, ἀλλὰ καὶ θεόθεν ὁδηγούμενοι καὶ ὑπὸ ἀστέρος τὰ μέλλοντα γενήσεσθαι ἐδήλωσαν καὶ τὴν τῶν Ἰουδαίων ἀπορίαν λύσαντες κατακρίτους αὐτοὺς ἀπέδειξαν μὴ πεισθέντας τοῖς σημείοις. 6 Mt 2, 18 Πῶς εἰς τὸν Ἰσραὴλ εἰρημένην τὴν λέξιν εἰς τοὺς παῖδας μετήγαγεν ὁ εὐαγγελιστής; ὅτι ἐν τύπῳ τοῦ λαοῦ τὰ βρέφη τὰ σφαγέντα ὑπὸ Ἡρώδου παρείληπται. ἡ δὲ Ῥαχὴλ ὡς μήτηρ τοῦ <πατρὸς τοῦ> Ἐφραὶμ ὑπὸ τοῦ προφήτου μνημο νεύεται. ἔστι δὲ μήτηρ καὶ τοῦ Βενιαμίν, οὗ μέρους τοῦ κατὰ Ἰερουσαλὴμ καὶ ἡ λεγομένη Ῥάμα . ὥσπερ οὖν τοῖς βρέφεσιν ἡ ἀνά στασις ἀπόκειται, οὕτω δηλοῦται καθάπερ ἐκ θανάτου σωθησόμενος ὁ λαὸς διὰ τῆς πίστεως. Εἰς τύπον τοῦ λαοῦ τοῦ Ἰσραὴλ τὰ ὑπὸ Ἡρώδου σφαγέντα παιδία παρέλαβεν ὁ εὐαγγελιστὴς ἀνάγων εἰς αὐτὸν τὴν τοῦ προφήτου λέξιν.

9 Mt 3, 17 Τινὲς δέ φασιν τὴν λέγουσαν φωνήν· οὗτός ἐστιν ὁ υἱός μου ὁ

ἀγαπητὸς ἢ ἀγγελικὴν εἶναι ὑπουρήσασαν τῷ προσώπῳ τοῦ πατρὸς ἢ ἑτέραν ἐκ τοῦ παραχρῆμα κατασκευασθεῖσαν. τὸ δὲ ἐν ᾧ εὐδόκησα ἐν παραθέσει ἑτέρων υἱῶν εἰρῆσθαι οὔτε ἀγαπητῶν γενομένων οὔτε ἀρέσαι σφόδρα δυνηθέντων αὐτῷ· υἱοθεσίας γὰρ ἠξίωντο καὶ οἱ ἐν τῷ νόμῳ. διὰ δὲ τῆς τοῦ πατρὸς μαρτυρίας καὶ τῆς τοῦ πνεύματος καθόδου δείκνυνται τῆς ἁγίας τριάδος αἱ ὑποστάσεις.

10 Mt 4, 11 Ἀπολινάριος ὁ παράφρων τροφάς φησιν ἐκ παραδείσου

διηκόνουν αὐτῷ ἵνα ὥσπερ ὁ μὴ ἀποσχόμενος οὗ προσετέτακτο Ἀδὰμ τὴν ἐκεῖ

1